342               TESTAMENTS ENREGISTRÉS AU PARLEMENT DE PARIS            (582)
Item, je laisse à damoiselle Marguerite de la Platrere, niepce de mon tres redoubté seigneur, qui long temps a demouré avec moy, quatre cens escuz, trois garnemens d'escarlate rosée, dont il y a deux seurcoz long, l'un fourré de menu vair, l'autre fourré de sendal, et une cote simple de mesmes, et quatre de mes meilleurs coursés cours, c'est assavoir, deux fourrez de menu vair et les autres deux de sendal. et mon meilleur chapel fourré de menu vair, et n'est mie laiz selon le bien et honneur que j'ay trouvé en elle, si lui prie qu'elle le vueille prendre en gré et qu'elle ait souvenance de moy.
Item, je laisse à Marguerite, ma fillole, fille de la dicte damoiselle , niepce de mon tres redoubté seigneur, l'ostel du Fay et les apparte­nances, en acroissement du mariage de ma dicte fillole.
Item, je laisse à damoiselle Jehanne de Beauvais, femme de Phi­lippot de Bouquetot, escuier, ung Courset, fourré de menu vair, et quarante frans.
Item, je laisse à damoiselle Marie, fille de la dicte damoiselle Jehanne de Beauvais, une robe d'escarlate violette de trois garnemens, c'est assavoir, chappe, seurcot doz et seurcot ouvert, fourrez de menu vair.
Item, je laisse à Thevenette la Boussignie dis frans.
Item, je laisse à Jehanne, femme de Guillaume Saquier de Mont Lehery, lequel a esté mon receveur, ung de mes coursés, fourré de menu vair.
Item, je laisse pour relever les femmes gisans du dit Bruieres ung mantel de gris, à ce qu'elles prient Dieu pour l'ame de moy.
Item, je laisse à Jehan, bastart des Bordes, cent escuz.
Item, je laisse à messire Jehan le Fevre, jadis Chapellain de mon tres redoubté seigneur et tres amé filz, cent escuz, avecques ung messel complet à l'usage de Paris, qui n'est pas noté.
Item, je laisse à messire Robert de Bailleul, jadis clerc de mon tres redoubté seigneur et de mon tres chier et tres amé filz, cent escuz.
Item, je laisse à Philippot de Bouquetot dessus nommé quarante frans.